હા હુ જીંદગી જીવી રહી છુ

હા.. હું પ્રેમ કરું છું મારી વધી રહેલી ઉમર ને,
ગમી રહ્યું છે શાણપણ, તો યે શરારત હું કરતી રહું છું.

કેટલીક જવાબદારીથી મુક્ત થઈ ચૂકી છું,
બની બેફિકર મારી માટે હવે હું જીવી રહી છું.

શુ વિચારશે કોઈ એની હવે પરવાહ નથી,
શુ કરવું છે હાંસિલ એ હવે સમજી રહી છું. 

જીવી રહી છું મરજી મુજબ ને ખૂબ મોજથી,
શોખને પાંખો આપી આભ માં ઊંચે ઉડી રહી છું.

સફેદી વાળમાં આછી અને કરચલી ચહેરે થોડી,
મારા સૌંદર્ય ને જાણે વધારે ખીલવી રહ્યું છે.

જીવું છું સ્વમાનભેર અને છું પ્રિય મિત્રોમાં,
આટલી સંપત્તિ થી શ્રીમંતાઈ ને પોષતી રહી છું.