પવનનાં પ્રવાહમાં તણાઈ જાઉં છું,
ક્યાંક લાગણીના ઝાળામાં રોકાઇ જાઉં છું.
બાંધીલે કોઇ મને લાગણીના દોરથી,
તો આનંદ ઉછરંગે હું રંગાઈ જાઉં છું.
નથી રહેતાં પગ પછી મારા જમીન પર,
પતંગ જેમ ગગનમાં છવાઇ જાઉં છું.
માંડે રમત જ્યારે કોઈ હાર જીતની,
દાવ જેમ દુઃખદ હું રમાઇ જાઉં છું.
ઘાટ એકેય ક્યાં હતો મારો જન્મ્યો ત્યારે,?
સમયની ઠોકરોથી ઘડાઈ જાઉં છું.
જીવી જાય છે દીપક હસતું મુખ રાખીને
ભીતરના છિદ્રોથી ઘવાય જાઉં છું
