પતંગ

પતંગ
          કહો કોઈ ઉત્તરાયણ ને, તું થોભી જા
         મારે લૂંટવી છે, પતંગ ની ખૂબ  મજા
        તું ચાલી જાય તો, અમને લાગે છે સજા!
            જુના દિવસો યાદ કરી, કરવું છે રાજ
           મેળવવું છે પાછું, મને બાળપણ આજ
           કોઈ ના આવેલા પતંગ, ઉડાડવા છે આજ!
      ખૂલ્લા પગે દોડી ને, લેવા જવા છે  પતંગ
       ઉઘાડા પગે દોડીને, કાપવા જવા છે પતંગ
       મેળવી ને બાળપણ, લોકો  ને કરવા છે તંગ!
          લાલ,પીળા,ભાત ભાત ના, ચગાવવા છે પતંગ
        રાતે ગુબ્બારો  રાખી ને, લૂંટવી છે આજ મજા
          તાર ને થાંભલા પર ઝૂલાવી, આપવી છે સજા!
     સુમસામ અગાસીઓ માં લાગે છે વસ્તી-વસ્તી
      મને થાય છે ચાલ પકડી લાવું, બે-ચાર  હસ્તિ
      "એ કાપ્યો" ની પાડી બૂમ, કરવી છે મોજ-મસ્તી!
         ઉત્તરાયણ ની મજા છે, પતંગ ની દોડાદોડી માં,
        પડો, આખડો, છોલાય, પતંગ ની ઝપાઝપી માં,
        એ યાદો ને લગાડી મલમ, પતંગ ની મજા માણવા દે!
          કહો ઉત્તરાયણ ને ,આજ નો દિવસ થોભી જાય
          સો દિવસ ની ભેગી મજા, એક દિવસ માં માણવી છે!!