પરીક્ષા

પરીક્ષાઓથી ક્યાં કોઇનું ભલું થાય છે,

પછી કેમ વારંવાર આ પરીક્ષાઓ લેવાય છે?

ના આવડતું બધું જ પેપરમાં પુછાય છે,

ને બસ આવડતાની કમી વરતાય છે

પરીક્ષક હોય જાણે કોઇ મોટો રાક્ષસ,

ના સેહવાય એવી દશા થાય છે.

એક સમસ્યા છે મારે પરીક્ષા છે સવારે,

એ સમયે તો મારાથી બસ ઉંઘાય છે.

સમાજ કે વિજ્ઞાન હોય તો આવડે થોડું ઘણું,

આ નામાનાં આંકડા આપણને ક્યાં સમજાય છે

જોઇને દ્રશ્ય પરીક્ષાખંડનું બદલાઇ જશે એ કેહવત,

કે ભારતનું ભાવિ એનાં વર્ગખંડોમાં ઘડાય છે.

કોઇ જઇને સમજાવો એ પટેલ આનંદીબેનને,

આ તો બાળકો પર ખરેખર નો જુલમ થાય છે.

જો “તાહા” બાજુવાળી પૂજા કેવું મસ્ત લખે છે!

ને તું બેઠો બેઠો વર્ગમાં ઝોકા ખાય છે.

- તાહા મન્સૂરી